110-vjetori i Pavarësisë, zhvillohet ceremonia e ngritjes së Flamurit në Vlorë! Të pranishëm krerët më të lartë të shtetit të Shqipërisë dhe Kosovës

Në Vlorë, në qytetin ku më 28 nëntor 1912, Ismail Qemali ngriti flamurin shqiptar duke shpallur Shqipërinë shtet sovran dhe të pavarur, po organizohet ceremoni festive për këtë ditë.Në ceremoninë festive për ngritjen e flamurit mori pjesë kryeministri Edi Rama, kryeministri i Kosovës Albin Kurti, presidenti Bajram Begaj dhe presidentja e Kosovës Vjosa Osmani. Krerët më të lartë të shteteve shqiptare, vendosën kurora me lule në monumentin e Pavarësisë në Vlorë.I pranishëm në këtë ceremoni ishte edhe kryebashkiaku i Vlorës, Dritan Leli si dhe kryetari i Kuvendit të Kosovës, Glauk Konjufca

Ceremonia e ngritjes së flamurit

Ka nisur në Vlorë ceremonia e ngritjes së falamurit me rastin e 110 vjetorit të Pavarësisë. Të pranishëm janë Presidenti Bajram Begaj, kryeministri Edi Rama, Kryetarja e Kuvendit, Lindita Nikolla, kryebashkiaku Dritan Leli, si edhe kryeministri i Kosovës, Albin Kurti, presidentja Vjosa Osmani, si edhe kryeparlamentari Glauk Konjufca.