Qyteti ukrainas i Odesës u vu në shënjestër të një sulmi të fuqishëm me dronë rusë gjatë orëve të natës. Si pasojë e bombardimeve, një person humbi jetën dhe dy të tjerë mbetën të plagosur, bëri të ditur kreu i administratës ushtarake të rajonit të Odesës, Oleh Kiper.
Sipas Forcave Ajrore të Ukrainës, dronët rusë u panë duke lëvizur mbi Detin e Zi drejt Odesës pak pas mesnatës, duke shkaktuar alarm në qytet dhe zonat përreth.
Autoritetet lokale, përfshirë Kiper dhe Lysak, u bënë thirrje banorëve të Odesës dhe rajonit që të qëndronin në strehimore për arsye sigurie, ndërsa sistemet e mbrojtjes ajrore ishin në gatishmëri.
Raportet paraprake flasin për dëme në objekte banimi dhe shpërthim të disa zjarreve. Gjithashtu, është raportuar se një tubacion gazi është dëmtuar si pasojë e sulmit, duke rritur rrezikun në zonat e goditura.
Autoritetet vijojnë vlerësimin e dëmeve dhe situata mbetet nën monitorim.