Më 12 shkurt 2026, ministrat e Mbrojtjes së vendeve aleate të NATO-s do të mblidhen në selinë e Aleancës në Bruksel, në kuadër të takimit të rregullt ministror, i drejtuar nga Sekretari i Përgjithshëm, Mark Rutte.
Pikat kryesore të diskutimit do të jenë:
- Mbështetja për Ukrainën, e cila ndodhet nën sulmin e Rusisë për katër vjet.
- Forcimi i mbrojtjes dhe zbatimi i angazhimeve për rritjen e shpenzimeve të mbrojtjes.
- Fokusi te krahët lindor të Aleancës dhe stabiliteti në Ballkanin Perëndimor.
Sipas NATO-s, siguria e Ukrainës lidhet ngushtë me sigurinë e vendeve anëtare. Në samitin e vitit 2025, vendet aleate ranë dakord të investojnë çdo vit deri në 5% të Prodhimit të Brendshëm Bruto në mbrojtje dhe siguri deri në vitin 2035.
Ministrat do të vlerësojnë gjithashtu progresin që nga Samiti i Hagës, përfshirë zbatimin e angazhimeve për investime në mbrojtje dhe forcimin e kapaciteteve industriale të sektorit të mbrojtjes.
Takimi do të përfshijë shkëmbim pikëpamjesh mbi misionet dhe aktivitetet e NATO-s, duke përfshirë misionin KFOR në Kosovë, i cili është aktualisht misioni më i madh dhe më i gjatë i Aleancës.
Në një deklaratë zyrtare, NATO theksoi:
“Angazhimi ynë për sigurinë dhe stabilitetin e Ballkanit Perëndimor është i palëkundur dhe nuk do të lejojmë krijimin e një vakuumi sigurie.”