Detaje nga plagosja e të riut në Vlorë, dyshohet për tre autorë, shkaku i konfliktit mes tyre

Detaje të tjera mësohen nga plagosja e 33 -vjeçarit Tonin Ramaj ditën e djeshme në Vlorë.

Dyshohet se autorët kanë qenë tre persona, ndërsa vetëm dy prej tyre kanë qëlluar disa herë në drejtim të tij duke e plagosur në këmbë.

Policia ka shoqëruar tre persona, të cilët kanë qenë dëshmitarë të ngjarjes, ndërsa  autorët ende nuk janë identifikuar.

Sipas policisë, dyshohet se shkak janë konfliktet e vjetra që mund të ketë patur i plagosuri më herët me autorët. Aktualisht 33-vjeçari ndodhet në spital, jashtë rrezikut për jetën.