Erdogan merr vendimin pas tërmetit tragjik: Nuk do të ketë pallate të reja më shumë se katër kate!

Presidenti turk Recep Tayip Erdogan teksa ka njoftuar nisjen e “Modelit Kombëtar të Mburojës së Rrezikut”, ka bërë me dije se ndërtesat e reja nuk do të jenë më shumë se tre ose katër kate të larta.

Modeli u lançua për ndërtimin e shtëpive të reja të banimit pas tërmeteve shkatërruese të 6  shkurtit, të cilat shkaktuan mijëra të  vdekur dhe të plagosur.

“Ne kemi nisur shpejt ndërtimin e shtëpive dhe hapësirave të reja, duke filluar me projektet, studimet e terrenit dhe fizibilitetit të të cilave tashmë janë përfunduar,”tha Erdogan në një takim në Stamboll me zyrtarë të nivelit të lartë.