Glover takim “kokë më kokë” me Celibashin në KQZ, diskutime për zgjedhjet e 14 majit dhe gjetjet e ODIHR

Shefja e misionit të vëzhguesve të OSBE/ODIHR Audrey Glover ka mbërritur ditën e sotme në KQZ.

Bëhet me dije se ka zhvilluar një takim për rreth 50 minuta me kryekomisionerin Ilirjan Celibashi, ku kanë diskutuar për procesin zgjedhor të  14 majit, si dhe gjetjet e raportit paraprak të ndërmjetëm të ODIHR.

Ndërkohë në mbledhjen e sotme të KQZ do ketë një vendimmarrje për rezultatin paraprak për kryetar të bashkisë së Rrogozhinës, si dhe këshillin bashkiak.

Celibashi do të shpallë rezultatin përfundimtar për Belshin. Për këta dy Bashki opozita ka deklaruar se do të bëjë ankimim në KAS.