“Luftë me zjarrin si në mesjetë”, Berisha ndan videon e efektivëve që shuajnë zjarrin me degë pemësh

Prej disa ditësh në vend janë ndezur disa vatra zjarri si në Fier, Vlorë dhe Mallakastër. Teksa vatrat janë aktive zjarrfikësit vazhdojnë luftën për të bërë të mundur shuarjen e flakëve.

Ish-kryeministri Sali Berisha pak më parë ka ndarë një video në rrjetet sociale, ku shihen disa efektivë të policisë së Shtetit që shuajnë flakët me degët e pemëve. Po ashtu ata shihen pa doreza apo ndonjë masë tjetër.

Berisha teksa ndan videon shkruan “luftë me zjarrin si në mesjetë! Zjarrëfikset në tako! Aeroplani (Ismaili) është per ndenjëset e Ramës! Turp dhe krim! #sb”.