“OceanGate pezullon ekspeditat pas tragjedisë së “Titan”

“OceanGate” ka pezulluar të gjitha operacionet kërkimore dhe tregtare në det, pas tragjedisë së ndodhur pak ditë më parë, ku humbën jetën pesë anëtarët e nëndetëses Titan.Kompania me bazë në SHBA, në ëeb faqen e saj nuk dha detaje rreth pezullimit, por kishte planifikuar dy ekspedita në rrënojat e Titanikut, në Atlantikun e Veriut, për Qershor të vitit 2024.

Autoritetet amerikane dhe kanadeze ende vijojnë hetimin në lidhje me shkakun e shpërthimit. Por pikëpyetjetet ende vijojnë rreth sigurisë që ofronte kompania për të cilën shumë ekspertë e kishin ngritur si problem që në vitin 2018. Rojet bregdetare të SHBA-së javën e kaluar gjetën mbetje të supozuara njerëzore dhe mbeturina nga nëndetësjaTitan, pas kërkimit në fundin e oqeanit.

Ekzaminimi i mbetjeve pritet të hedhë më shumë dritë mbi shkakun e shpërthimit të nëndetëses. Shpërthimi i nëndetëses sipas ekspertëve ka ndodhur që në momentin kur ajo u zhduk pasi humbi gjurmimi.