Pas sherrit, dy vëllezërit në Vlorë dhunojnë dhe qëllojnë me thikë 33-vjeçarin

Një ngjarje e rëndë është shënuar ditën e sotme në Vlorë, ku është dhunuar dhe qëlluar me thikë një 33-vjeçar.

Bëhet me dije se dy persona pas një sherri kanë kanë goditur me grushte dhe me mjet prerës (thikë), shtetasin O. R., 33 vjeç, banues në Vlorë.

Në lidhje me ngjarjen kanë rënë në pranga shtetasit shtetasit L. M., 25 vjeç dhe G. M., 25 vjeç (vëllezër).  I plagosuri ndodhet në spital, nën kujdesin e mjekëve.

Njoftimi i policisë së Vlorës:

Goditën me grushte dhe me mjet prerës (thikë), një 33-vjeçar, gjatë një konflikti të çastit për motive të dobëta, falë reagimit të menjëhershëm të shërbimeve të Policisë, kapen dhe shoqërohen në Komisariat, 2 autorët e dyshuar.

Shërbimet e Forcës së Posaçme “Shqiponja”, pas njoftimit për një konflikt mes disa shtetasve, në lagjen “Partizani”, kanë ndërhyrë menjëherë për parandalimin e përshkallëzimit të konfliktit.

Si rezultat i veprimeve të shpejta, janë kapur dhe shoqëruar në Komisariat, 2 autorët e dyshuar shtetasit L. M., 25 vjeç dhe G. M., 25 vjeç (vëllezër), të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin O. R., 33 vjeç, banues në Vlorë.

Shtetasi O. R. ndodhet në spital, jashtë rrezikut për jetën.

Në drejtimin e Prokurorisë, vijon puna hetimore për sqarimin e rrethanave të ngjarjes.