Presidenti Begaj nuk humb kohë, miraton ligjet për rritjen e pagës së tij, ministrave, deputetëve dhe administratës

Presidenti i Republikës Bajram Begaj ka dekretuar ligjet për rritjen e pagave për për deputetët, ministrat dhe për punonjësit e administratës.

Projektligjipër rritjen e pagave u miratua në seancën e kaluar në Kuvend.

“Të nderuar, referuar interesit të medias mbi dekretimin nga ana e Presidentit të Republikës Sh.T.Z Bajram Begaj të paketës së plotë të reformës së pagave, më poshtë gjeni të firmosura ditën e sotme 3 dekretet përkatëse:”, thuhet në njoftimin e presidencës.

Ligji i ri është pjesë e strategjisë së qeverisë për të rritur pagën mesatare në vend nga 530 euro në 930 euro dhe përfitues të parë ka 130 000 punonjësit e administratës. Strategjia parasheh dy faza, e para 1 prill 2023, e cila mori jetë ditën e enjte me votimin në Kuvend, ndërsa faza e dytë pritet të zbatohet në prillin e vitit 2024.