Sot seancë plenare, ja çfarë do diskutohet në Kuvend

Ditën e sotme do të mblidhet Kuvendi për të zhvilluar seancë plenare, ku do të votohen disa projektligje.

Në rend dite është parashikuar gjithashtu edhe raportimi vjetor i Komisionit Qendror të Zgjedhjeve, të  Autoritetit për Informimin mbi Dokumentet e Ish-Sigurimit të Shtetit si dhe ILD.

Po ashtu do kalohet për votim dekreti i presidentit Begaj që shkarko nga detyra Bledi Çuçin dhe emëron si ministër të Brendshëm Taulant Ballën, porpozime të bëra nga kryeministri Edi Rama.

Rendi i ditës:

1. Miratimi i procesverbalit të seancës plenare të datës 3.7.2023.
2. Njoftime.
3. Raporti i veprimtarisë së Komisionit Qendror të Zgjedhjeve për vitin 2022.
4. Raporti i veprimtarisë së Autoritetit për Informimin mbi Dokumentet e Ish-Sigurimit të Shtetit për vitin 2022.
5. Raporti i veprimtarisë së Institutit të Statistikave INSTAT për vitin 2022.
6. Raporti i veprimtarisë së Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2022.
7. Raporti i veprimtarisë së Entit Rregullator të Energjisë për vitin 2022.
8. Projekligj “Për menaxhimin e garancive dhe kredive shtetërore të pa kthyera”
9. Projekligj “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Italisë, lidhur me një hua koncesionale për programin “përmirësimi i rrjetit të shpërndarjes së energjisë elektrike në Shqipërinë Veriore pas tërmetit të vitit 2019”
10. Projektligji “Për disa shtesa në ligjin nr. 107/2014 “Për planifikimin dhe zhvillimin e territorit”, i ndryshuar”.
11. Projektligji “Për disa shtesa dhe ndryshime në ligjin nr. 55/2015 “Për investimet strategjike në Republikën e Shqipërisë”, të ndryshuar.
12. Dekreti i Presidentit të Republikës së Shqipërisë nr. 113, datë 10.7.2023 “Për shkarkim ministri”.
13. Dekreti i Presidentit të Republikës së Shqipërisë nr. 114, datë 10.7.2023 “Për emërim ministri”.
14. Projektvendimi “Për një ndryshim në vendimin nr. 70/2021 “Për caktimin e anëtarëve zëvendësues në përbërjen e komisioneve të përhershme të Kuvendit”, i ndryshuar.
15. Diskutime për çështje jashtë rendit të ditës.