Të shtëna më armë zjarri në lagjen ‘Pavarësia’ në Vlorë, dyshohet për një viktimë! Ende nuk dihen rrethanat

VLORË– Një plagosje me armë zjarri është regjistruar këtë të hënë (26 qershor) në lagjen Pavarësia në Vlorë. 33-vjeçari Tonin Ramaj është qëlluar 4 herë në pjesën e këmbëve sapo ka dalë nga banesa e tij. Autori ende i paidentifikuar qëlloi me armë zjarri të riun dhe u largua në këmbë.

Burime paraprake bëjnë me dije se T.R është transportuar në spitalin e Vlorës dhe aktualisht ndodhet jashtë rreziku për jetën.

Ende mbetet i paqartë motivi i kësaj ngjarjeje të rëndë edhe autori është i paidentifikuar.

Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit.

Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit.