Presidenti i Ukraina, Volodymyr Zelensky, deklaroi sot se përfshirja e vendeve evropiane në negociatat tripalëshe që po zhvillohen në Gjenevë është e domosdoshme për arritjen e një marrëveshjeje të zbatueshme për përfundimin e konfliktit.
“Ne e konsiderojmë pjesëmarrjen e Evropës në këtë proces si të domosdoshme për zbatimin e suksesshëm të marrëveshjeve plotësisht të realizueshme”, u shpreh Zelensky në rrjetet sociale.
Kreu i shtetit ukrainas konfirmoi gjithashtu se negociatorët ukrainas dhe amerikanë, të pranishëm në diskutimet me Rusia, janë takuar një ditë më parë me përfaqësues nga Franca, Britania e Madhe, Gjermania, Italia dhe Zvicra.
Zelensky theksoi se bisedimet kanë qenë të vështira, duke akuzuar Moskën për përpjekje për të zvarritur procesin.
“Takimet e djeshme në Gjenevë ishin me të vërtetë të vështira dhe mund të themi se Rusia po përpiqet të zvarrisë negociatat që mund të kishin arritur tashmë në fazën e tyre përfundimtare”, deklaroi ai.