Presidenti i Shqipërisë, Bajram Begaj, nisi sot një vizitë zyrtare në Republikën e Maqedonisë së Veriut me ftesë të Presidentes Gordana Siljanovska-Davkova.
Gjatë vizitës, Begaj pritet të zhvillojë takime me personalitetet më të larta të vendit: Presidenten Siljanovska-Davkova, Kryeministrin Hristijan Mickoski, Kryetarin e Parlamentit Afrim Gashi, si dhe me liderë politikë shqiptarë. Ai gjithashtu do të vizitojë disa komuna të drejtuara nga kryetarë shqiptarë.
Presidenti do të mbajë një fjalë përpara Kuvendit të Maqedonisë së Veriut, në një seancë të posaçme. Synimi i vizitës është forcimi i marrëdhënieve dypalëshe dhe përshpejtimi i integrimit të Shqipërisë dhe Maqedonisë së Veriut në Bashkimin Evropian.
Shqipëria e konsideron Maqedoninë e Veriut partner kyç në ruajtjen e paqes, sigurisë dhe kohezionit ndër-etnik në rajon.