Verstappen niset i pari në Japoni

Piloti i Red Bull ka siguruar pole-position ne pistën e Suzuka, pas tij dy pilotët e Ferrari Leclerc dhe Sainz

Max Verstappen ka një shans të artë për të marrë titullin e tij të dytë kampion në Formula 1, në Çmimin e Madh të Japonisë.

Ai ia doli që të realizonte një kohë më të shpejtë se sa rivali i tij Lecklerc, ndërsa e siguroi pole-position pas një hetimi të komisarëve të garës.

Verstappen u thirr nga zyrtarët e garës pas një incidenti me Lando Norrisin në kualifikuesen nr. 3 pasi ishte shumë afër shkaktimit të një përplasjeje në pistë.

Por, pas shqyrtimit të rastit, holandezi mori vetëm një “qortim” nga ana e komisarëve.

Noris, i cili më herët deklaroi se Verstappen tentoi që ta bllokonte atë, pranoi se rasti ishte thjesht një incident i pafat, ndërsa piloti i Red Bullit po përpiqej që të nxehte gomat.

Verstappen e siguroi pole-position duke qenë vetëm 10 të mijtat më i shpejtë se sa Leclerc dhe mund ta fitojë titullin, duke fituar e duke bërë xhiron më të shpejtë në pistën e Suzukas.

Kohën e tretë më të mirë e realizoi piloti tjetër i Ferrarit Karlos Sainz, që ishte 57 të mijtat më i ngadaltë se holandezi, që realizoi kohën 1:29.304.

I katërti do të niset piloti tjetër i Red Bullit, Serxho Perez, ndërsa Esteban Oçon mundi të dyja Mercedezët.

Hamilton do të niset i gjashti, pas tij Fernando Alonso e më pas piloti tjetër i Mercedesit, Xhorxh Rasëll.

tv6+1vlora