45.000 m2 tokë në Himarë, një vilë dhe dy apartamente, sekuestrohen 3 milionë euro pasuri: Pronari i dënuar në Angli e Holandë për drogë

Pasuri e paluajtshme me vlerë tre milionë euro është sekuestruar nga Policia e Elbasanit, në bashkëpunim me Agjencinë e Administrimit të Pasurive të Sekuestruara dhe të Konfiskuara. Ajo i përket një 31 vjeçari me banim në Peqin, i dënuar në Angli e Holandë për drogë.

Sipas Policisë, Emiljan Shega është dënuar në Mbretërinë e Bashkuar, për trafikim të lëndëve të forta narkotike dhe për mbajtje të armëve ofensive, është arrestuar në Amsterdam, Holandë, për trafikim të narkotikëve, si dhe është dënuar në Shqipëri, për mbajtje pa leje të armeve luftarake dhe falsifikim të dokumenteve. Pasuritë e sekuestruara:

• Pjesë toke (kullotë) me sipërfaqe 45 000 m2,  në fshatin Gjilek, Himarë;
• 1 apartament me sipërfaqe 130 m2, në Tiranë;
• 2 garazhe me sipërfaqe 230 m2, në Tiranë;
• 1 vile dykatëshe me sipërfaqe 500 m2, në Peqin;
• 1 apartament me sipërfaqe 111 m2, në Kryevidh, Kavajë.

Më herët në 22 shtator 2022, 1 apartament dhe 5 sipërfaqe toke, në pronësi të Emiljan Shegës, i arrestuar dhe i dënuar si pjesë e një grupi kriminal që trafikoi drejt Mbretërisë së Bashkuar lëndë narkotike me vlerë 10 milion paund, i kanë kaluar përfundimisht shtetit.

Ky shtetas, ka qenë dhe subjekt i Operacionit Forca e Ligjit, dhe rreth dy vite më parë i ka shkuar formulari i vetëdeklarimit të pasurisë.

• Pasuria e llojit “Apartament”, me sipërfaqe 130 m2, {…}, në pronësi të shtetasit E.Sh.;
• Pasuria e llojit “Kullotë”, me sipërfaqe 5667 m2, {…}, në bashkëpronësi të shtetasve E.Sh. dhe E.K.;
• Pasuria e llojit “Kullotë”, me sipërfaqe 3782,6 m2, {…}, në bashkëpronësi të shtetasve E.Sh. dhe E.K.;
• Pasuria e llojit “Kullotë”, me sipërfaqe 498,8 m2, {…}, në bashkëpronësi të shtetasve E.Sh. dhe R.K.;
• Pasuria e llojit “Kullotë”, me sipërfaqe 17328,3 m2, {…}, në bashkëpronësi të shtetasve E.Sh. dhe R.K.;
• Pasuria e llojit “Kullotë”, me sipërfaqe 7000 m2, {…}, në bashkëpronësi të shtetasve G.H. dhe M.K.

Njoftimi i plotë i Policisë së Shtetit:

Specialistët e Seksionit për Hetimin e Krimeve Ekonomiko-Financiare të DVP Elbasan, në bashkëpunim me Agjencinë e Administrimit të Pasurive të Sekuestruara dhe të Konfiskuara, në zbatim të vendimit të Gjykatës së Posaçme të Apelit për Korrupsionin dhe Krimin e Organizuar, në kuadër të operacionit policor të koduar “Fasada 3”, kanë konfiskuar pasuri me vlerë rreth 3 milionë euro, që dyshohet se e kanë burimin nga veprimtaria kriminale e shtetasit E. Sh., 31 vjeç, banues në Peqin.

Shtetasi E. Sh. është dënuar në Mbretërinë e Bashkuar, për trafikim të lëndëve të forta narkotike dhe për mbajtje të armëve ofensive, është arrestuar në Amsterdam, Holandë, për trafikim të narkotikëve, si dhe është dënuar në Shqipëri, për mbajtje pa leje të armeve luftarake dhe falsifikim të dokumenteve.

Konkretisht, në zbatim të vendimit të Gjykatës u bë i mundur konfiskimi i pasurive si më poshtë:

• Pjesë toke (kullotë) me sipërfaqe 45 000 m2,  në fshatin Gjilek, Himarë;
• 1 apartament me sipërfaqe 130 m2, në Tiranë;
• 2 garazhe me sipërfaqe 230 m2, në Tiranë;
• 1 vile dykatëshe me sipërfaqe 500 m2, në Peqin;
• 1 apartament me sipërfaqe 111 m2, në Kryevidh, Kavajë.

Materialet i kaluan Prokurorisë, për veprime të mëtejshme.

– – –

Gjatë kësaj jave, në kuadër të operacionit “Fasada 2” janë sekuestruar pasuri me vlerë 400 000 euro, në pronësi të një 34-vjeçari të dënuar me 13 vjet burgim në Norvegji, si pjesëtar i një grupi kriminal për trafikim të narkotikëve.