Arben Ahmetaj intervistë për median italiane: Edi Rama ka takuar krerët e mafias në zyrë, i kam parë!

Televizioni italian “Rai 3” do të vijojë mbrëmjen e sotme me transmetimin e investigimit të radhës për kampet e refugjatëve në Gjadër dhe Shëngjin. Në këtë episod të emisionit “Report”, që shkaktoi “tërmet” javë më parë në vendin tonë, do të transmetohet gjithashtu dhe një intervistë me kryeministrin Edi Rama si dhe një tjetër me ish-zv. kryeministrin, Arben Ahmetaj.

Ish-numri dy i kabinetit qeverisës së Edi Ramës, nga arratia ka lëshuar “bombën” e radhës. Ai ka dhënë një intervistë ekskluzive për median italiane “Il Fatto Quotidiano” ku dhe s’ka kursyer aspak akuzat ndaj Ramës.

“Ish-zëvendëskryeministri i Tiranës: Edi priti shefat në zyrë”, kështu theksohet që në ballinën e lajmit të “Il Fatto Quotidiano”. Në këtë intervistë Ahmetaj ka akuzuar kryeministrin Edi Rama se ka marrëdhënie direkte me kokat e mafias.

“Takohet me krerët e mafias në zyrën e tij në godinën e qeverisë, i pashë”, mësohet të ketë thënë Ahmetaj në këtë rrëfim të tijin.

Artikulli i medias italiane

Artikulli i plotë:

Për të Giorgia Meloni është e gatshme të vendosë dorën në zjarr. “Më ndihmoni të solidarizoj Edi Ramën për linçimin që pësoi vetëm duke u përpjekur për të ndihmuar kombin tonë”, tha ajo në konferencë programi i IHD-së prillin e kaluar pas episodit të “Report” për marrëveshjen për emigrantët mes Italisë dhe Shqipërisë.

Giorgia është e bindur se akuzat e qeverisë për bashkëpunim e Ramës me mafian shqiptare janë propagandë e pastër. Megjithatë, kryeministrja rrezikon të djegë dorën në zjarr.

Në hetimin “Fshati shqiptar” të cilin “Report” do ta transmetojë sonte, ne kemi mbledhur dëshminë e ish-zëvendëskryeministrit shqiptar, Arben Ahmetaj, krahu i djathtë i Edi Ramës.

Një vit e gjysmë më parë ndaj tij ishte paralajmëruar urdhër-arresti për korrupsion në një hetim për inceneratorët që bënë gjysmën e qeverisë të dridhej. Për të shmangur burgun, Ahmetaj u arratis në Zvicër dhe nga një njeri i besuar i Ramës, tashmë është një nga më akuzuesit e tij.

Ahmetaj zbuloi rolin e mafias në ekonominë dhe politikën shqiptare: “Grupet kriminale marrin kontrata, pastrojnë paratë në Shqipëri me ndërtim. Ata koordinohen me Edi Ramën”.

Sipas akuzave të ish-zëvendëskryeministrit të arratisur, Rama ka marrëdhënie direkte me krerët e klanit: “Kam takuar drejtues mafioz në zyrën e tij në godinën e qeverisë, i kam parë”.Ahmetaj pretendon se marrëdhëniet ndërmjetësohen nga një sipërmarrës nga Durrësi, Ergys Agasi, një biznesmen, në sektorin e duhanit dhe djali i një ish-deputet i fuqishëm socialist.

Ndërkohë, në intervistën e gjatë për “Report”, vetë kryeministri Edi Rama ka hedhur poshtë akuzat duke e cilësuar si të pabesueshëm ish-krahun e tij të djathtë:

“Njerëzit të mos merren seriozisht. Politika shqiptare nuk është e ndotur nga mafia”,mësohet të ketë thënë kreu i qeverisë shqiptare, Edi Rama.