Pas SPAK, zyrtarët e drejtësisë amerikane shkojnë në Gjykatën Kushtetuese

Zyrtarët e drejtësisë amerikane së bashku me të dërguarin me punë i SHBA në Tiranë, David Wisner kanë mbërritur për një vizitë në Gjykatën Kushtetuese.

Bëhet me dije se prokurorët dhe gjyqtarët amerikanë do të takohen me kryetaren e këtij institucioni dhe trupën e gjyqtareve të tjerë.

Më herët këtë mëngjes zyrtarët u takuan me kreun e SPAK, Altin Dumani dhe prokurorët e këtij institucioni. Gjatë vizitës në SPAK u nënvizua se sa e rëndësishme është të ndjekësh penalisht me integritet dhe profesionalizëm për të luftuar korrupsionin, krimin e organizuar dhe pandëshkueshmërinë.

Ata theksuan se Shtetet e Bashkuara janë krenare që mbështesin SPAK dhe institucionet e tjera të drejtësisë të cilat po ndërtojnë një demokraci më të fortë për popullin shqiptar.