Vriten me armë zjarri babë e bir

Një konflikt për motive banale dyshohet se u bë shkak për vrasjen e dyfishtë në Klos të Dibrës, ku mesditën e kësaj të mërkure u ekzekutuan babë e bir.

Bëhet fjalë për 17-vjeçarin Kenado Shira si dhe babain e tij Liri Shira 46 vjeç të cilët nuk kanë mundur t’i mbijetojnë plumbave të marra.

Ngjarja është regjistruar në afërsi të një lokali në qytetin e Klosit, teksa nga të shtënat i palgosur ka mbetur dhe një person tjetër.

Burime nga Policia e Dibrës bëjnë me dije se është bërë i mundur identifikimi i autorit të dyshuar i cili është, Besnik Mjeshtri. Ky i fundit është shpallur në kërkim nga policia.

Këta të fundit kanë ngritur pika të shumta kontrolli në të gjithë qytetin, ndërsa janë shoqëruar dhjetra persona të cilët kanë qenë dëshmitar në momentin e ngjarjes.

tv6+1vlora