Berisha: Përjashtimi i deputetëve është akt i rëndë, ne do i përgjigjemi

Në një konferencë për median, Sali Berisha është shprehur se përjashtimi nga Kuvendi i Edi Palokës dhe Bujar Leskaj  me argumentin se ato kanë përdorur veprime me fjalë ofenduese gjatë seancës parlamentare, është një akt i rëndë që ata do i përgjigjen.

“Përjashtimi i dy deputetëve është një akt jashtëzakonisht i rëndë. Ju garantoj se opozita do i përgjigjet sepse nga një anë ke një njeri, me një fjalor stër-ordiner, sa herë vjen në parlament.

Ai thotë fjalë që mua që jam aty, më vjen turp për ato zonja, se ato janë nëna, janë bashkëshorte, janë vajza, që ulin kokën e nuk thonë një fjalë. Por ne do i përgjigjemi. Unë i them se do përgjigjemi.

Koha do e tregojë. Ne nuk mposhtemi. Ata që mendojnë se do na mposhtin me fjalor rrugaçi, gabohen.

Ne e konsiderojmë detyrë që të shkojmë në atë parlament. Por nuk ka gjë më të vështirë që të shkosh në parlament dhe të përdorësh atë gjuhë prej rrugaçi ordiner përpara gjithë shqiptarëve”, është shprehur Berisha.