Detaje nga mbledhja e Grupit Parlamentar të PS, Rama vlerëson Spiropalin për performancën, kritika për Xhaçkën

Kryeministri Edi Rama ka mbledhur ditën e sotme Grupin Parlamentar të Partisë Socialiste.

Bëhet me dije se mbledhja drejtohet nga Rama dhe se në fokus të bisedës është aktiviteti parlamentar dhe sfidat e PS në këtë sesion të katërt parlamentar.  Është diskutuar për qëndrimet që do të mbajnë deputetët socialistë për çështje të caktuara, që do të diskutohen dhe pritet të votohen.

Kreu i qeverisë ka vlersuar edhe performancën e ministrave në Parlament. Mësohet se ai ka shprehur vlersim për ministren Elisa Spiropali, ndërsa ka pasur kritika për ministren e Jashtme, Olta Xhaçka.

Gjithashtu kryesocialisti ka kritikuar që shpesh mungojnë në mbledhjet e komisioneve parlamentare.

Kujtojmë që pjesë e kësaj mbledhje ka qenë edhe deputeti shkodran Agron Çela, i cili pak ditë më parë zgjodhi të bashkohej me PS duke lënë Partinë e Lirisë.