Dhunuan të moshuarën, lirohen nga paraburgimi 3 infermieret

Kosovë – Tre infermieret e arrestuara në Pejë në fillim të muajit Nëntor për dhunën e ushtruar ndaj një të moshuare në qendrën Orenda, janë liruar nga paraburgimi.

Bëhet me dije se infermieret janë lënë të lira me vendim të Gjykatës Supreme të Kosovës, që ka pranuar kërkesën e avokatëve.

Tre infermieret do të hetohen tashmë në gjendje të lirë për rastin brenda qendrës së të moshuarve Orenda në Pejë, ku u filmuan duke ushtruar dhunë ndaj një të moshuareje për të cilën kishin detyrë që të kujdeseshin.