Grabiti dhe mbajti peng një familje në Selenicë

Ngjarja në fshatin Brataj, 38-vjeçari V. Ç është arrestuar nga policia

Vitrin Çobaj, 38-vjeç është arrestuar nga Policia e Vlorës pasi akuzohet se ka mbajtur peng për disa orë anëtarët e një familje në fshatin Brataj të Selenicës dhe më pas u ka marrë me dhunë një shumë parash.

Sipas policisë, ngjarja ka ndodhur me ditën e djeshme në orët e para të mëngjesit, në vendin e quajtur “Koria e Rigonit”, në fshatin Brataj. Shtetasi akuzohet se ka hyrë me dhunë në banesën e shtetases Y. F., 41 vjeçe, e cila jetonte së bashku me bashkëshortin e saj, shtetasin F. F., 47 vjeç (invalid) dhe 6 fëmijë të mitur.

Nën kërcënimin e një arme dyshohet se 38-vjeçari ka mbajtur peng për rreth 4 orë familjarët e kësaj familjeje duke lidhur me litarë dy bashkëshortët dhe duke izoluar në një dhomë fëmijët e mitur.

Gjatë kohës që ky shtetas ka qëndruar në banesë dyshohet se ka ngacmuar seksualisht shtetasen Y. F. dhe tre vajzat e saj të mitura, si dhe u ka vjedhur me dhunë shumën prej 36.900 lekësh.

Pas arrestimit të Vitrin Çobaj policia ka sekuestruar një armë gjahu, një shumë parash dhe veshjet që autori dyshohet se i ka përdorur gjatë kryerjes së krimit.

tv6+1vlora