Hetimet për privatizimet e pronave të ushtrisë, SPAK vendos në sekuestro preventive bazën detare në Sarandë

SPAK vendos në sekuestro preventive bazën detare në Sarandë. vendimi lidhet me denoncimin e Artur Meçollarit për privatizimin e pronave të ushtrisë. Për këtë çështje ish shefi i Shtabit të Përgjithshëm të Forcave të Armatosura, aktualisht deputet i PS-së, Bardhyl Kollçaku është paraqitur në SPAK dhe është marrë në pyetje bashkë me Artur Meçollarin, denoncuesin e tij.  

Ish zëvendës shefi i forcave detare, ka akuzuar në mars të 2021 të gjithë zyrtarët e lartë, përfshirë edhe ish ministren e Mbrojtjes aso kohe, Olta Xhaçka dhe Presidentin Begaj përpos Kollçakut. Një thirrje nga Prokuroria sot e ka marrë dhe ministrja për Evropën dhe Punët e Jashtme Xhaçka në cilësinë e pozicionit që ka pasur dijeni për ngjarjen. 

Denoncimi nga ana e Meçollarit u bë për dy prona, një në Shëngjin dhe një në Sarandë të cilat sipas tij janë dhënë pa leje i janë dhënë privatit. Pasi SPAK ka verifikuar këto të dhëna ka marrë në pyetje dhe ka nisur hetimet. I pranishëm ka qenë edhe vetë Meçollari.

Prokuroria Speciale ka marrë vendimin për të sekuestruar bazën detare të Sarandës. Ky vendim vjen dy ditë pas marrjes në pyetje të ish-shefit të Forcave të Armatosura Bardhyl Kollçaku dhe denoncuesit, ish-shefit të Forcës Detare Artur Meçollari.

Kallëzimi i Meçollarit është bërë në mars të vitit 2021 dhe akuzonte ish-shefin e FA, Bardhyl Kollçaku që sot është deputet i PS, ish-ministren e Mbrojtjes Olta Xhaçka dhe presidentin Bajram Begaj, i cili në atë periudhë ka qenë në detyrë si Shef i SHtabit të Përgjithshëm të FA.

Zyrtarët më të lartë të shtetit akuzohen se ia kanë falur privatit pronat e dy bazave detare të Shëngjinit dhe Sarandës. Pasi janë kryer verifikimet përkatëse, SPAK ka regjistruar procedim penal dhe ka nisur marrjen në pyetje të personave të akuzuar.

Ish-ministrja e Mbrojtes, Olta Xhaçka pritet të merret gjithashtu në pyetje, pas dëshmisë së Bardhyl Kollçakut. Deri më sot, ajo nuk është paraqitur në ambientet e Prokurorisë Speciale për shkak të angazhimeve politike.

Në total, është një hapësirë rreth 40.000 m² e Bazës Detare të Sarandës, e cila është marrë nga privati me vendim të Këshillit të Ministrave dhe me propozim të ish-ministres Xhaçka.