Javë e ngjeshur me takime në Strasburg, eurodeputeti Fredi Beleri: Nesër do të kthehem në Burgun e Fierit

Fredi Beleri, minoritari nga Himara i zgjedhur eurodeputet në Parlamentin Europian nga Greqia, ka bërë një reagim publik në llogarinë e tij dhe thotë se kjo javë ka qenë e ngjeshur me takime. Ai mori leje nga burgu i Fierit të hënën dhe nesër duhet të kthehet në qelinë e Burgut të Fierit.

Beleri shkruan se do të respektojë lejen e dhënë nga Drejtoria e Burgjeve dhe nesër do të kthehet në qeli, sipas afateve, derisa dënimi të mbarojë përfundimisht pak muaj më vonë.

Minoritari që garoi për Bashkinë e Himarës dhe i fitoi zgjedhjet nga qelia, por që e humbi mandatin për shkak se u arrestua e dënua për shitblerje votash, thotë se kur të jetë i lirë do të jetë në gjendje të kryejë të gjitha detyrat që ka ndërmarrë si eurodeputet.

Shënimi i plotë i Fredi Belerit:

Mbaroi nje jave plot takime dhe takime ne Strasburg dhe neser kthehem ne Burgjet e Fierit. Së shpejti, aventura ime do të mbarojë dhe do të jem në gjendje të kryej plotësisht detyrat që kam ndërmarrë. Çfarë janë këto?

Pjesëmarrja ime dhe aktiviteti parlamentar në Komisionet e Parlamentit Europian, në të cilin u emërova këto ditë si anëtar (REGI, PETI, LIBE, PECH). Për vitet e ardhshme, ne po përveshim mëngët për:

– zhvillimi rajonal dhe çështjet e pushtetit lokal, për të cilat kurrë nuk e fsheha dashurinë time të madhe;

– raportet e dorëzuara nga qytetarët dhe agjencitë në Parlamentin Evropian;

– liritë individuale që nuk u jepen shteteve anëtare, siç dëshmon rasti im; dhe

– çështjet e peshkimit brenda dhe jashtë kufijve evropianë.