Motori përplas 63-vjeçaren në Vlorë, shoqërohet në polici drejtuesi

Një aksident automobilistik ka ndodhur mëngjesin e sotëm në qytetin e Vlorës, me pasojë plagosjen e një 63-vjeçareje.

Sipas policisë, gruaja është përplasur nga një motor teksa po kalonte rrugën në vendin e quajtur “Kapelja”.

“Rreth orës 09:35, në vendin e quajtur “Kapelja” shtetasi A. M., 30 vjeç, duke drejtuar motomjetin, ka aksidentuar shtetasen V. H., rreth 63 vjeçe, këmbësore në rrugë, e cila ndodhet në spital nën kujdesin e mjekëve.

Drejtuesi i motomjetit u shoqërua në Komisariat, për veprime të mëtejshme.

Grupi hetimor ndodhet në vendngjarje dhe po kryen veprimet e mëtejshme për aksidentin”, bën me dije policia.