Mundet Arsenal, fiton United

“Topçinjtë” dhe “djajtë e kuq” ende nuk e kanë siguruar kualifikimin në të 16 e Ligës së Europës

Arsenali u mund në Roterdam nga PSV 2-0, duke mos siguruar dot kualifikimin në të 16-at e Ligës së Europës.

“Topçinjve” u duhej 1 pikë, por u ndëshkuan nga golat e Vermand dhe De Jong. Anglezët duhet që ta fitojnë sfidën e radhës ndaj Cyrihut, që të vazhdojnë garën.

Junajtid fitoi pa problem ndaj Sherifit në “Old Traford” 3-0 me gola të Dalot, Rashford dhe Kristiano Ronaldos. Për yllin portugez, ky ishte goli i 701 në karrierë.

Që “Djajtë e kuq” të kualifikohen direkt, duhet që të fitojnë ndaj Real Sociedadit javën e ardhshme në Spanjë, me një diferencë me dy gola

Pas fitores 2-1 ndaj Helsinkit, Romës do t’i duhet një fitore tjetër për të siguruar vendin e dytë në Grupin C. Italianët kaluan të parët në avantazh me anë të Abrahamit, ndërsa për finlandezët barazoi Hetemaj. Triumfi erdhi nga autogoli Hoskonen.

Në takimin e fundit, verdhezinjtë do të presin Ludogorets-in, me të cilët kanë humbur në takimin e parë në Bullgari.

 Tri pikët e çojnë në play-off skuadrën e drejtuar nga Murinjo që do të ndeshet me një nga rivalet që ka dalë e treta në Ligën e Kampioneve.

Lacio mundi në Romë Midtjulandin 2-1. Danezët kaluan në avantazh me Isakson, por bardhekaltrit u përgjigjën me Milinkoviç-Saviç dhe Rodrigez.

Bardhekaltërve tani i duhet vetëm një pikë ndaj Fejnordit në Roterdam për të siguruar kalimin e turit, kurse fitorja vendin e parë.