Nga sot deri më 9 prill pushime pranverore për nxënësit e shkollave fillore, Kushi: Mos iu ndani librit dhe leximit

Këtë javë nxënësit e shollave 9-vjeçare do të jenë pushim. Lajmin e bëri me dije ministrja Evis Kushi.

Me anë të një postimi në rrjetet sociale, Kushi shkruan se nga data 3-9 nxënësit do jenë pushim në kuadër të pushimeve pranverore. Kushi udhëzoi të gjithë nxënësit që këtë periudhë ta shfrytëzojnë për të luajtur me njëri-tjetrin si dhe të shijojnë natyrën.

Postimi i plotë:

Siç e kemi njoftuar edhe në fillim të këtij viti shkollor, java e ardhshme  deri në  prill do të jetë java e pushimeve për 

 nxënësit në shkollat 9-vjeçare, një traditë e rikthyer tashmë pas shumë vitesh.

Këto ditë pushimi le të shërbejnë për të marrë energji të reja pozitive  duke kaluar sa më shumë kohë me familjet dhe të afërmit tuaj . Shfrytëzojeni këtë mundësi për t’u angazhuar në aktivitete të larmishme sociale, sportive, artistike, kulturore, etj. 

Sigurisht që do të keni mjaftueshëm kohë që të luani në ajër të pastër, të bisedoni me njëri-tjetrin dhe të shijoni natyrën në këto ditë të bukura pranverore. 

Por kam edhe një këshillë që unë gjithnjë e quaj të domosdoshme për ju gjatë pushimeve. Mos iu ndani  librit dhe leximit! Bashkë me prindërit, vëllezërit e motrat, lexoni libra të bukur për moshën tuaj, libra artistikë, poezi, fabula, romane, etj.

Pushime të gëzuara!