Kryeministri Edi Rama ka bërë disa ndryshime në kabinetin qeveritar. Kreu i qeverisë i ka propozuar Presidentit të ri, Bajram Begaj shkarkimin e Arben Ahmetajt nga detyra e zv/kryeministrit dhe ministrit të Shtetit për Rindërtimin dhe Programin e Reformave. Rama ka propozuar që zv/kryeministre të bëhet Belinda Balluku. Ajo do të mbajë njëkohësisht edhe postimin e ministres së Infrastrukturës dhe Energjisë.
Kryeministri Rama ka sqaruar në postimin e tij në Twitter se energjia është sfida më kolosale e kësaj periudhe dhe infrastruktura sfidë e pandërprerë kombëtare.
![](https://6plus1vlora.al/wp-content/uploads/2022/07/belindaballuku-1024x576-1.png)
“Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zv/kryeministrit të fokusohet në këto fusha. Belinda Balluku bëhet zv/kryeministre”, shkruan Rama.
Ai falenderon ndër të tjerat Ahmetajn për kontributin.
“Falenderoj Arben Ahmetajn për kontributin në misionin tonë të përmbushur me një sukses spektakolar për Rindërtimin”, shprehet Rama.
![](https://tvklan.al/wp-content/uploads/2022/07/arben-ahmetaj-1024x576.png)
Po ashtu, Rama ka propozuar që Majlinda Dhuka të emërohet ministre e Shtetit dhe Kryenegociatore me Bashkimin Europian. Kryeministri shprehet që në momentin që prioriteti i rindërtimit ia lë vendin prioritetit të negociatave ka ndryshuar edhe profili i ministrit të Shtetit. Dhuka emërohet në postin e Kryenegociatores në vend të ambasadorit Zef Mazi.
“Tani që prioriteti i Rindërtimit ia le vendin prioritetit të Negociatave me BE, ndërron profili i ministrit të Shtetit. Majlinda Dhuka, një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore & Ministre Shteti pranë kryeministrit”, shkruan Rama.
![](https://tvklan.al/wp-content/uploads/2022/07/majlinda-dhuka-1024x576.png)
Kreu i qeverisë falenderon Mazin për kontributin në arritjen historike të çeljes së negociatave.
tv6+1vlora
Discussion about this post