Rama publikon pamjet e tregut të ri agroushqimor: Kushte shumë herë më të mira

Kryeministri Edi Rama ka publikuar pamjet e tregut të ri agroushqimor në Farkë.

Ky investim është realizuar nga bashkëpunimi mes Ministrisë së Bujqësisë dhe Bashkisë së Tiranës.

“Me tregun e ri agroushqimor në Farkë, një hapësirë e re shembullore me kushte shumë më të mira në çdo aspekt për fermerët e për konsumatorët, falë bashkëpunimit të Ministrisë së Bujqësisë me Bashkinë e Tiranës, ju uroj një të diel të mbarë”, ka shkruar Rama në rrjetet sociale.

Tregu i ri agroushqimor në Farkë u hap një ditë më parë.