Rrjeti gjigant i këmbimit të kriptomovalutave shpall falimentimin

Rrjeti i këmbimit të kriptomonedhave, FTX ka paraqitur kërkesën për falimentim sipas Artikullit 11 në Shtetet e Bashkuara të Amerikës.

Shefi ekzekutiv Sam Bankman-Fried ka dhënë dorëheqjen, sipas një reagimi të kompanisë në Tëitter, ndërsa në vend të tij është emëruar John J. Ray III i cili do të ndihmojë kompaninë në fazën e tranzicionit.

“Kërkesa e falimentimit është lëvizja e duhur për t’i dhënë mundësinë grupit të analizojë situatën si dhe të zhvillojë një proces për të maksimizuar rikuperimet për palët e interesuara”, tha CEO i ri i FTX.

FTX kaloi nga një vlerësim prej 32 miliardë dollarësh në falimentim pasi likuiditeti u zerua, klientët kërkuan tërheqjen e aseteve dhe kompania rivale Binance prishi marrëveshjen e saj jodetyruese për të blerë FTX.

Anthony Scaramucci, themeluesi i SkyBridge Capital dhe drejtor i komunikimit për një kohë të shkurtër i Donald Trump, fluturoi në Bahamas këtë javë për të ndihmuar Bankman-Fried si investitor dhe mik të tijin. Kur arriti atje, thotë ai, u zbulua se çështja e shpëtimit të kompanisë nuk ishte thjeshtë problem likuiditeti.