Sot luhet miqësorja kundër Katarit

Mbrëmjen e sotme, Kombëtarja do të përballet në miqësore me Katarin. Ndeshja do të luhet në Marbella të Spanjës dhe është jashtë datave të miratuara nga FIFA. Skuadra shqiptare e përbërë me futbollistë të Superligës do të kërkojë të bërë rezultat pasi të gjithë lojtarët që do të kenë mundësinë të aktivizohen do të japin më të mirën e tyre për të zënë një vend në kombëtaren A.

Esin Hakaj: Do të jetë një ndeshje që do ta shërbejë shumë të gjithëve, jam i bindur se do të bëjmë maksimumin. Grumbullimi në Kombëtaren A është diçka shumë pozitive për çdo lojtar nga kampionati shqiptar e që ka vlerë për karrierën dhe uroj që të na ndihmojë kjo ndeshje për të pasur edhe mundësi të tjera në të ardhmen me Kombëtaren.

Ndeshja me Katarin është e para e muajit Nëntor. Kuqezinjtë do të luajnë edhe dy miqësore zyrtare ndaj Italisë më 16 dhe Armenisë më 19 Nëntor. Të dy këto takime do të mbahen në Air Albania.