Tensione në protestë/ Opozita hedh molotovë dhe flakadanë, bashkia e Tiranës në ‘flakë’. Fiken dritat, ndërpriten fjalimet. Apeli i policisë

Tensione në protestën e opozitës që po mbahet para Bashkisë së Tiranës. Teksa kjo është protesta e 8 në radhë, protestuesit kërkojnë dorëheqjen e kryebashkiakut Erion Veliaj, ndërsa në kor brohorasin; Hajduti, hajduti!
Siç shihet nga pamjet, policia ka fortifikuar bashkinë, ndërsa e ka rrethuar me gardh metalik.

Sakaq, disa protestues kanë hedhur molotovë dhe flakadanë në drejtim të bashkisë, ndërsa policia ka apeluar me megafon që të ndalen sulmet.

Opozitarët kanë paralajmëruar se do të vijojnë me protesta.