Tërmet i fortë shkund Greqinë, regjistrohen mbi 30 pasgoditje

Një tërmet i fortë me magnitudë 4.6 Rihter ka goditur Greqinë gjatë natës. Sipas mediave vendase mësohet se lëkundjet sizmike u regjistruan rreth orës 02:20. Epiqendra e tërmetit është regjistruar në Amfilochia, ndërsa lëkundjet janë ndjerë der në Patra dhe Prevezë. Sipas të dhënave thellësia e tërmetit ishte 17.8 kilometra.

Tërmeti me magnitudë 4.6 Rihter u pasua nga një seri pasgoditjesh , me mbi 30 lëkundje me magnitudë deri 3.3 Rihter.

Fatmirësisht nuk ka patur persona të lënduar dhe si pasojë e lëkundjeve ka pasur vetëm dëme materiale.