Vendimi i Apelit për Salianjin, reagon Berisha: Rasti i parë në histori që dënohet një njeri për kallëzim të vërtetë

Kryetari i Partisë Demokratike Sali Berisha ka mbajtur qëndim të ashpër lidhur me vendimin e Gjykatës së Apelit, që dënoi Ervin Salianjin me 1 vit heqje lirie, për kallëim të rremë.

Berisha deklaron se Salinaji u dënua nga Edi Rama, Geron Xhafa, Fatzi Xhafa, sepse guxoi të përballej dhëmb për dhëmb, pa u tutur, me guxim qytetar me krimin, me klanin më të fuqishëm të drogës të Vlorës, Geron dhe Fatmir Xhafën.

“Sot, Geron Xhafa, ky trafikant ndërkombëtar droge, i dënuar në Itali, me gjykim në Venezuelë, feston fitoren e tij mbi denoncuesin publik, deputetin e opozitës, Ervin Salianji.

Ervin Salianji sot u dënua në një akt shpallje lufte opozitës shqiptare nga Edi Rama me akuzën e kallëzimit të rremë.

Është rasti i parë në historinë e Shqipërisë që një njeri dënohet për kallëzim të rremë.

Është rasti i parë në historinë e botës që një kallëzim i vërtetë, shpallet kallëzim i rremë.

Ervin Salianji u arrestua sot sepse provoi me zë dhe dokumente se Geroni, ky baron droge, ky kriminel i pashpirt, drejtonte trafiqet nga porti i Vlorës, ndërkohë kur kërkohej për të bërë burgun në Itali për krimet që kishte kryer në këtë vend”, thotë Berisha.