Zgjedhjet Parlamentare dhe Presidenciale në Maqedoninë e Veriut, 1.8 mln qytetarë me të drejtë vote në 8 Maj

Në 8 maj Maqedonia e Veriut mban raundin e dytë të zgjedhjeve Presidenciale, por njëkohësisht do të votohet edhe për ato Parlamentare. Numri i zgjedhësve në regjistrin e zgjedhësve është 1.814.317 për zgjedhjet presidenciale dhe 1.815.350 për zgjedhjet parlamentare. Diferenca në numrin e votave është 1033, e cila shpjegohet kryesisht nga moshat e avancuara të disa zgjedhësve.

Në zgjedhjet presidenciale, 1.713.758 zgjedhës janë të regjistruar për të votuar në qendrat e votimit në vend, ndërsa 2.569 zgjedhës janë të regjistruar për votim në përfaqësitë diplomatike dhe konsullore jashtë vendit. Përveç kësaj, 2.147 persona janë regjistruar për votim në burgje ose në paraburgim, ndërsa 534 të tjerë janë në ambientet e përkujdesjes jashtë familjes. Gjithashtu, dy persona të zhvendosur brenda vendit janë të regjistruar për të votuar.

Në zgjedhjet parlamentare, 1.716.664 zgjedhës janë të regjistruar për të votuar në qendrat e votimit në vend, ndërsa 96.010 persona janë të regjistruar për votim si punëtorë të përkohshëm brenda ose jashtë vendit. Në diasporë, nuk është regjistruar një numër i mjaftueshëm i qytetarëve për të organizuar votimin.

Para ditës së zgjedhjeve, 2140 qytetarë të sëmurë, të pafuqishëm, të burgosur dhe personat në institucionet e kujdesit jashtë familjes kanë paraqitur kërkesat për të votuar.

Votimi do të zhvillohet në 3480 qendra votimi në të gjithë vendin.

Në raundin e parë të zgjedhjeve, në 120 qendra votimi, ishin më pak se dhjetë zgjedhës të cilët janë drejtuar për të votuar në qendrën më të afërt të votimit.