Shqipëria nuk i përballon dot zjarret. Ky është konstatimi i Kontrollit të Lartë të Shtetit, i cili ka parë në Agjencinë e Mbrojtjes Civile paaftësi për të vlerësuar katastrofat dhe mungesë mjetesh e burimesh njerëzore.
Kjo e bën të pamundur reagimin në kohë në rast zjarri. E tillë ishte situata në korrik-gusht 2021, kur flakët përpinë 8029 ha tokë në të gjithë vendin.
Ministria e Mbrojtjes kishte vetëm 1 helikopter në funksion, nga 4 të deklaruar për shuarjen e flakëve. Në ndihmë i erdhën helikopterë nga Gjermania, për të cilët u paguan 36 milionë lekë për 89 orë pune.
Por, me procedurë të rregullt, ata duhet të paguheshin për 77 orë pune, pasi kontrata parashikonte pagesë vetëm për orët e operacionit dhe jo të rrugës vajtje-ardhje.
Në këtë mënyrë, audituesit thonë se dëmi 4.6 milionë lekë duhet t’i kthehet shtetit nga shoqëria e kontraktuar, V.H.
KLSH kontrolloi edhe gjendjen e zjarrëfikëseve në 55 bashki, ku pa se një pjesë e makinave ishin prodhim i viteve 1960-70, dhe mungonin pajisjet mbrojtëse.
Ndërkohë edhe numri i zjarrfikësve për banor është i ulët dhe Emergjencat Civile duhet të marrin masa për të rritur kapacitetet.
tv6+1vlora
Discussion about this post