Flamur Noka i bindur: Gjykata do të na i jap ne vulën, kemi shpresë!

Deputeti dhe Sekretari i Përgjithshëm i PD, nga grupimi i Rithemelimit, është shprehur i bindur mbrëmjen e sotme se Gjykata e Apelit do t’i japë atyre vulën. Më datë 11 Qershor, pritet të jepet vendimi nëse vulën dhe logon do i mbajë Lulzim Basha, apo PD-ja zyrtare do të jetë që përfaqëson Sali Berisha.

I ftuar në emisionin “Të Paekspozuarit”, Flamur Noka u shpreh i sigurt se tre gjyqtarët do t’ia japin vulën partisë së drejtuar nga Sali Berisha, por u kundërshtua nga panelistët.

“Unë kam shpresë se ata gjyqtarë do të kenë integritet. Me vendimin e Gjykatës së Lartë dhe përjashtimin e Blerina Muçit ne kemi shpresë se do të bëhet”, u shpreh ai, teksa kur u pyet nëse kanë një plan “B” nëse ndodh e kundërta, Noka tha se do të fliste pas vendimit.

Ylli Rakipi: A keni një plan B për vulën?

Flamur Noka: Vettigu ka përjashtuar Blerina Muçin se ka shkelur ligjin se pranoi palë atë që nuk është palë duke ia dhënë vulën Bashës. Këtu tani çdo gjyqtar që do të guxojë pas këtij vendimi, se Gjykata e Lartë e ka orientuar. Unë kam shpresë se ata gjyqtarë do të kenë integritet.

Me vendimin e gjykatës së lartë dhe përjashtimin e Blerina Muçit ne kemi shpresë se do të bëhet.

Sejamini: Nëse nuk ndodh, duke konstatuar problemin, do të bëni parti tjetër me emër të ri?  Nëse e zvarrisin, e zvarrisin dhe 1 muaj e gjysmë para zgjedhjeve ia japin atij tjetrit, çfarë do të bëni?

Ylli Rakipi: Keni një plan B?

Flamur Noka: Pas vendimit do të vij dhe do të flasim.

Ylli Rakipi: Pse ju keni shpresa që do ta merrni?

Flamur Noka: Ylli unë i besoj asaj që është shkruar e zeza mbi të bardhë.

Andi Bushati: Unë vë bast me kë të dojë në botë që në zgjedhjet e ardhshme futeni pa vulë, pa komisionerë, pa Sali, pa asnjë gjë.

Flamur Noka: Nuk dua të paragjykoj asgjë.

Andi Bushati: Unë po se kam 10 vjet që e di se çfarë ndodh.

Flamur Noka: Ata tre gjyqtarë që kanë çështjen të kenë integritet, në të kundërt pastaj…

Neritan Sejamini: Shumë mirë bëni që shpresoni, por a po përgatiteni që të mos përmbushet. Rama e ka bërë këtë gjë dhe kjo është e padrejtë.  Por ju nuk mund të bini në kurthin e Ramës duke shpresuar që do të lindë dielli, se dielli mund të mos lindë.

Flamur Noka: Ne jemi ajo forcë që ka përmbysur rregjimin dhe atë simbol nuk ia fal Edi Ramës, askujt.

Neritan Sejamini: Jo mo rregjimin e kanë pëmbysur shqiptarët, ju jeni produkt i përmbysjes.