Cristiano Ronaldo thyen çdo rekord, te Al Nassr paguhet 3.8 milionë euro në javë! Rritje e pabesueshme në rrjetet sociale: Më frymëzoi vizioni

Cristiano Ronaldo është lojtari më i ri i Al Nassr në Arabinë Saudite deri në verën e 2025. 37-vjeçari portugez do paguhet 75 milionë euro nga klubi i ri, teksa duke përfshirë edhe sponsorizimet paga e tij në total do shkojë 200 milionë euro në sezon. Ronaldo bëhet lojtari më i paguar në historinë e futbollit.

Pas prezantimit, ylli portugez është shprehur se e bindi vizioni i klubit për të firmosur. “Mezi pres të provoj një ligë të re futbolli në një vend të ri. Vizioni i Al Nassr më stimulon shumë dhe jam i emocionuar që po bashkohem me shokët e mi të rinj të skuadrës në përpjekje për të ndihmuar klubin të arrijë më shumë sukses”, tha Ronaldo.

Veç pagës së majme, Ronaldo ka sjellë menjëherë sukses te klubi i Al Nassr. Tifozët e klubit janë trefishuar në rrjetet sociale dhe kjo për efekt të Ronaldos. Në dyqanet e skuadrës tifozët janë dyndur për të blerë fanella me numrin 7 dhe emrin e sulmuesit.

Ronaldo tek Al-Nassr do të fitojë:

200 milionë euro në vit

16.6 milionë euro në muaj

3.8 milionë euro në javë

555.555 euro në ditë

23.150 euro në orë  

386 euro në minutë

6.5 euro në sekondë