Kombëtarja humbi përballë Italisë, Ilir Meta fajëson Edi Ramën: Ta ka thënë Ansi Agolli, ti je tersi

Rezultati zhgënjyes 2 me 1 ka mërzitur jo pak kuqezinjtë kudo nëpër botë. E për këtë humbje të Kombëtares Presidenti i Partisë së Lirisë, Ilir Meta e ka gjetur “fajtorin”.

Në llogarinë e tij në “Instagram”, Meta ka postuar një foto të kryeministrit Edi Rama në stadiumin “Signal Iduna Park”, i cili është në shoqërinë e bashkëshortes së tij, Linda Ramës.

Krah fotos Meta shkruan se tersi i kësaj ndeshje ka qenë pikërisht Edi Rama dhe këtu ka përmendur dhe kërkesën që ish-kapiteni i Kombëtares, Ansi Agolli, i bëri dikur kreut të qeverisë ku dhe i kërkoi që të mos vinte më në stadium pasi çunave të Kombëtares nuk u ec kur është ai.

“Ia ka thënë Ansi Agolli prej 10 vjetësh, që e vetmja ndihmë që mund t’i japësh Kombëtares është të mos vish në stadium se je ters!”, shkruan Meta.