SHBA këshillon Ukrainën: Tregoni se jeni të hapur për bisedime me Rusinë

Administrata e Joe Biden po inkurajon privatisht lidershipin e Ukrainës që të tregojë se është e hapur ndaj negociatave me Rusinë dhe të heqë dorë nga refuzimi i saj publik për të zhvilluar bisedime paqeje.

Mediat e huaja shkruajnë se nxitja amerikane nuk synon të detyrojë qeverinë ukrainase të ulet në tryezën e bisedimeve. Përkundrazi, është një lëvizje e llogaritur që synon që Kievi të ruajë mbështetjen e vendeve të tjera, ku opinioni publik shqetësohet se po nxit konfliktin që do të zgjasë me vite.

Zyrtarët amerikanë janë zotuar se Uashingtoni do të vazhdojë të ofrojë shuma të mëdha parash për të marrë pajisje ushtarake në Kiev “për aq kohë sa duhet”, por në të njëjtën kohë administrata amerikane do të dëshironte të shihte përfundimin e luftës pasi i ka shkaktuar aq shumë dëme ekonomisë botërore, ndërkohë që ka nxitur frikën për përdorimin e armëve bërthamore.